कृष्णा तुझी मुरली ती | Krushn Murali ti - संत एकनाथ ▌♫▐

कृष्णा तुझी मुरली ती पाहिली मी आज रे ।
यमुनेच्या पाण्या जातां दृष्टी पडली सहज रे ।
विसरला देहभाव वासनेचे बीज रे ।
जाते शुद्ध पंथी कान्हा वाट माझी सोड रे ।
जाऊ दे रे, जाऊ दे रे कमल नयना ॥
कमल नयना कान्हा कमल नयना ॥धृ.।।
घरी सासू सासर्याचा जाच मला भारी ।
सासू मोठी भांडखोर, नणंद न पाहे बरी ।
पतिलाही राग येतो जीव माझा जाईना ॥१॥
पतिव्रता नेम माझा ढळला हा सारा |
तुझ्या पायी संसार माझा झाला पाठमोरा ।
एका जनार्दनी साऱ्या चुकल्या येरझया ॥२॥

Krushna Tuzi Murali ti pahili mi aaj re |
Yamunechya panya jata drushti padali sahaj re |
Visarala dehbhav vasaneche bij re ॥
Jate shudhh panthi kanha vaat mazi sod re |
Jau de re, Jau de re kamal nayanaa |
kamal nayana kanha kamal nayana ॥१॥
Ghari sasu sasaryacha jaach mala bhari |
saasu mothi bhandkhor nanand n pahe bari |
Patilahi raag yeto jiv maza jaina ॥2॥
Pativrata nem maza dhalala ha sara |
tuzya payi sansar maza zala pathmora |
Eka janardani sarya chukalya yerzarya ॥3॥