तळवे तळहात टेकीत | Talve Talhat Tekit - संत नामदेव ▌♫▐,

तळवे तळहात टेकीत । डाव्या गुडघ्यानें रांगत ।
रंगणी रंगनाथ । तो म्यां देखिला सये ॥१॥
गवळण जसवंती पैसांगे । आलेवर कृष्णाचेनि मागें ।
येणें येणें वो श्रीरंगें । नवनीत माझें भक्षिलें ॥२॥
एक्या हातीं लोण्याचा कवळु । मुख माखिलें अळुमाळु ।
चुंबन देतां येतो परिमळु । नवनीताचा ये सये ॥३॥
येणें माझें कवाड उघडिलें । येणें शिंकें हो तोडिलें ।
दह्यादुधातें भक्षिलें । उलंडिलें ताकातें ॥४॥
ऐसें जरी मी जाणतें । यमुनापाणिया नव जातें ।
धरूनि खांबासी बांधितें । शिक्षा लावितें गोविंदा ॥५॥
ऐसा पुराण प्रसिद्ध चोर । केशव नाम्याचा दातार ।
पंढरपुरीं उभा विटेवर । भक्त पुंडलिकासाठीं ॥६॥

Talve Talhat Tekit | Davya gudadhyane rangat |
Rangani ranganath | To mya dekhila saye ॥१॥
Gavalani jasavanti paisaange | Aalevar krushnacheni maage |
yene yene vo shrirange | Navnit maaze bhakshile ॥2॥
Ekya hati lonyacha kavalu | mukh makhile alumalu |
Chumban deta yeto parimalu | Navnitacha ye saye ॥3॥
yene maze kavaad ughadile | Yene shinke ho todile |
Dahya dudhate bhakshile | Ulandile takate ॥4॥
Aise jari mi janate | Yamunaapaniya nav jate |
Dharuni khambasi Bandhite | Shiksha lavite govinda ॥5॥
Aisa puran prasidhh chor |Keshav Namyacha datar |
Pandharpuri ubha vitevari | Bhakt pundalikasathi ॥6॥