शरण शरण हनुमंता । Sharan Sharan hanumanta ▌♫▐

शरण शरण हनुमंता । तुम्हा आलो रामदूता ॥१॥
काय भक्तीच्या त्या वाटा । मज दावाव्या सुभटा ॥ध्रु.॥
तुम्ही शूर आणि धीट । स्वामिकाजी तू सादर ॥२॥
तुका म्हणे रुद्रा । अंजनीचिया कुमरा ॥३॥

Sharan Sharan hanumanta | Tumha alo ram duta ॥१॥
KAy bhaktichya tya vata | Maj davavya subhata ॥2॥
Tumhi Shur ani dhit | Swami kaji tu sadar ॥3॥
Tuka mhane maha rudra | Anjanichiya sukumara ॥4॥

हनुमंत महाबळी । Hanumant mahabali - ▌♫▐

हनुमंत महाबळी । रावणाची दाढी जाळी ॥१॥
तया माझा नमस्कार । वारंवार निरंतर ॥ध्रु.॥
करोनी उड्डाण । केलें लंकेचें शोधन ॥२॥
जाळीयेली लंका । धन्य धन्य म्हणे तुका ॥३॥

Hanumant mahabali | Ravanachi dadhi jali ॥१॥
Taya maza namaskar | Varnvar nirantar ॥2॥
Karoni uddan | Kele lankeche Shodhan ॥3॥
JAliyeli lanka | Dhany Dhany mhane Tuka ॥4॥