उलट उलट माघारा गडीया | Ulat Ulat Maghara Gadiya ▌♫▐

उलट उलट माघारा गडीया फिरगोते खासी ।भरला पूर मायेचा लोंढा वाहूनिया जाशी ॥धृ॥
या भवनदीचे पाणी रे गडीया मोठे ओढीते ।भल्या भल्या पोहणाऱ्यांना उलटूनि पाडिते ॥१॥
अविद्येचा पूर बाबा वेगी ओसरेना ।कल्पना सुसरीची मिठी सोडिता सुटेना ॥२॥
क्षणभंगुर संसार याचा भरवसा नाही ।नरतनु गेल्या बारे मग तू पडशील पस्ताई ॥३॥
म्हणे मुक्ताबाई चांग्या अंतरीची खूण ।धरी सद्गुरुचे पाय तूला नेती उतरून ॥४॥

Ulat Ulat Maghara Gadiya Firagote Khase | Bharala Pur Mayecha Londha Vahuniya Jasi ॥१॥
Ya Bhavnadiche Paani Re Gadiya Mothe Odhite | Bhalya Bhalya Pohonaryanna Ulatuni Padite ॥2॥
Avidyecha Pur Vegi Osarena | Kalpana Susarichi Mithi Sodita Sutena ॥3॥
Kshanbhangur Sansar Yacha Bharavasa Naahi | Nartanu Gelya Baare Mag Tu Padashil Pastai ॥4॥
Mhane Muktabaai Changya Antarichya Khun | Dhari Sadguruche Paay Tula Neti Utarun ॥5॥

मुंगी उडाली आकाशी। Mungi Udali Akashi ▌♫▐

मुंगी उडाली आकाशी। तिने गिळिले सूर्याशी ।।1।।
थारे नवलाव झाला। वांझे पुत्र प्रसवला।।2।।
विंचू पाताळाशी जाय। शेष माथा वंदी पाय ।।3।।
माशी व्याली घार झाली। देखुनी मुक्ताई हासली ।।4।।

Mungi Udali Aakashi | Tine Gilile Suryashi ॥१॥
Thare Navalaav Zala | Vanze Putra prasavala ॥2॥
Vinchu Patalashi Jay | Shesh Matha Vandi Paay॥3॥
Maashi Vyali Ghar Zali | Dekhuni Muktai Hasali ॥4॥

सुखसागर आपण व्हावे | SukhSagar Apan vhave ▌♫ ▐

सुखसागर आपण व्हावे | जग बोधे नीववावे ॥१॥
बोधा करू नये अंतर | साधू नाही आपपर ॥2॥
जीव जिवासी पै द्यावा | मग करू नये हेवा ॥3॥
तरुणोपाय चित्ती धरा | ताटी उघडा ज्ञानेश्वरा ॥4॥

SukhSagar Apan vhave | Jag Bodhe Nivavave ॥१॥
Bodha Karu Naye Antar | Saadhu Nahi Aapapar ॥2॥
Jiv Jivasi Pai Dyava | Mag Karu Naye Hevaa ॥3॥
Tarunopaay Chitti Dhara | Tati Ughada Dnyaneshwara ॥4॥