सार सार विठोबा नाम तुझे | saar saar vithoba Nam tuze - संत ज्ञानेश्वर ▌♫▐

सार सार सार विठोबा नाम तुझे सार ।
म्हणोनि शुळपाणि जपताहे वारंवार ॥१॥
आदि मध्य अंती निजबीज ओंकार ।
प्रल्हाद अंबऋषी मानिला निर्धार ॥2॥
भुक्ती मुक्ती सुखदायक साचार ।
पतित जीव अज्ञान तरले अपार ॥3॥
दिवसें दिवस व्यर्थ जात संसार ।
बापरुखुमादेवीवरा विठ्ठलाचा आधार ॥4॥

Saar saar saar vithoba Naam tuze saar।
Mhanoni shulpani japtahe vaaramvaar ॥१॥
Aadi madhy anti nij bij onkar ।
pralhad ambrushi manila nirdhar॥2॥
bhukti mukti sukhdayak sachar ।
patit jiv adnyan tarale apaar॥3॥
devase divas vyarth jaat sansar ।
baaprakhumadevivara vithhalacha aadhaar ॥4॥

देखिले तुमचे चरण । Dekhile tumache charaṇa - संत ज्ञानेश्वर ▌♫▐

देखिले तुमचे चरण निवांत राहिलें मन ।
कासया त्यजीन प्राण आपुलागे माये ॥१॥
असेन धणी वरी आपुले माहेरी ।
मग तो श्रीहरी गीती गाईनगे माये ॥२॥
सकळही गोत माझें पंढरिसी जाण ।
बापरखुमादेविवरा विठ्ठलाची आण ॥३॥

Dekhile tumache charaṇa Nivant rahilen man।
Kasaya tyajin praṇa apulage maye ॥1॥
asen dhaṇai vari apule maheri।
Mag to shrihari giti gainage maye ॥2॥
sakaḽahi got majhen pnḍharisi jaṇa।
Baparakhumadevivara viṭhṭhalachi aṇa ॥3॥

नवल देखिले कृष्णरुपी बिंब । Naval Dekhile krushn bimb - संत ज्ञानेश्वर ▌♫▐

नवल देखिले कृष्णरुपी बिंब । सावळी स्वयंभ मूर्ति हरिची ॥१॥
मन निवाले बिंबले समाधान जाले । कृष्णरुपे बोधले मन माझे ॥ध्रु०॥
बापरखुमादेविवरु सावळा सर्व घटी । चित्ते चैतन्या मिठी घालिताखेवो ॥२॥

Naval Dekhile krushn bimb | Savali svayambhu murti harichi ॥१॥
Man nivale bimbale samadhan zale | Krushn rupe bodhale man maze ॥2॥
Baaprakhuma devivaru savala sarv ghati | Chitt chaitanya mithi ghalitakhevo ॥3॥

एक तत्त्व नाम दृढ धरी मना । Ek tatv naam drudh dhari man - संत ज्ञानेश्वर ▌♫▐

एक तत्त्व नाम दृढ धरी मना । हरीसी करुणा येईल तुझी॥१॥
तें नाम सोपे रे रामकृष्ण गोविंद । वाचेसी सद्गद जपे आधीं॥२॥
नामापरते तत्त्व नाहीं रे अन्यथा । वायां आणि पंथा जाशी झणी॥३॥
ज्ञानदेव नाम जपमाळ अंतरी । धरोनी श्रीहरी जपे सदा॥४॥

Ek tatv naam drudh dhari man । Harisi karuna yeil tuzi ॥१॥
Te naam sope re ram krushn govind । Vachesi sagad jape aadhi ॥2॥
nama parate tatv nahi re anyatha । vaya anik pantha jashil zani ॥3॥
dnyandev mhane japmal antari। dharuni shri hari jape sada ॥4॥

भ्रम धरीसी या देहाचा | Bhram dharisi ya dehacha - संत ज्ञानेश्वर ▌♫▐

भ्रम धरिसी या देहाचा विठ्ठल । म्हणे कारे वाचा ॥१॥
पडोन जाईल हें कलेवर । विठ्ठल उच्चारी पा सार ॥2॥
रखुमादेविवरु अभयकारु । मस्तकी ठेविला हा निर्धारु ॥3॥
Bhram dharisi ya dehacha | vithhal Mhane ka re Vacha ॥१॥
Padoni jain he kalevar | Vithhal uchhari pa saar ॥2॥
Baap Rakhumadevivaru abhay karu | Mastaki thevila ha nirdharu ॥3॥

मन हे राम झाले | Man he raam zale - संत ज्ञानेश्वर ▌♫▐

मन हे राम झाले मन हे राम झाले ।
प्रवृत्ति ग्रासुनि कैसे निवृत्तीसी आले ॥१॥
श्रवण कीर्तन पादसेवन कैसे विष्णुस्मरण केले ।
अर्चन वंदन दास्य सख्य आत्मनिवेदन केले ॥२॥
यम नियम प्राणायाम प्रत्याहार संपादिले ।
ध्यान धारणा आसन मुद्रा कैसे समाधीसी आले ॥३॥
बोधी बोधले बोधिता नये ऐसे झाले ।
बापरखुमादेविवरु विठ्ठले माझे मीपण हारपले ॥४॥

Man he raam zale Man he ram zale ।
Pravrutti grasuni kaise nivruttisi aale ॥१॥
Shravan kirtan paadsevan kaise vishnu smaran kele ।
Archan vandan dasy sakhy aatmnivedan kele ॥१॥
Yam niyam pranayam pratyahaar sampadile ।
dhyan dharana aasan mudra kaise samadhisi aale॥१॥
bodhi bodhale bodhita naye aise zale ।
baaprakhumadevivaru vithhale maze mipan harapale ॥१॥

रंगा येई वो येई | Ranga yei wo ye - संत ज्ञानेश्वर ▌♫▐

रंगा येई वो येई, रंगा येई वो येई ।
विठाई किटाई माझे कृष्णाई कान्हाई ॥१॥
वैकुंठ वासिनी विठाई जगत्र जननी ।
तुझा वेधु माझे मनी ॥२॥
कटी कर विराजित मुगूट रत्‍न जडित ।
पीतांबरू कसिला तैसा येऊ का धांवत ॥३॥
विश्व-रूपे विश्वं-भरे कमल-नयने कमलाकरे वो ।
तुझे ध्यान लागो बाप रखुमादेवीवरे वो ॥४॥

Ranga yei wo ye, ranga yei wo ye ।
Vithhai kithhai majhe krushnai kanhai ॥१॥
Vaikuntha wasini, Vithhai jagatr janani ।
Tujha wedhu maajhe mani ॥2॥
Kati kar wiraajit, mugutaratnajadit ।
Pitaanbaru kaasila, taisa yei ka dhaanwat ॥3॥
Wishrwarup wishrwnbhare, kamalanayanen kamalaakare wo ।
Tujhe dhyaan laago, baap rakhumaadewiware wo॥4॥

देवाचिये द्वारी उभा क्षणभरी । Devachiye dvari ubhakshan bhari - संत ज्ञानेश्वर ▌♫▐

देवाचिये द्वारी उभा क्षणभरी । तेणे मुक्‍ति चारी साधियेल्या॥१॥
हरि मुखे म्हणा हरि मुखे म्हणा । पुण्याची गणना कोण करी॥२॥
असोनि संसारी जिव्हे वेगु करी । वेदशास्त्र उभारी बाह्या सदा॥३॥
ज्ञानदेव म्हणे व्यासाचिया खुणा । द्वारकेचा राणा पांडवा घरी॥४॥

Devachiye dvari ubhakshan bhari | tene mukti chari sadhiyelya ॥१॥
Hari mukhe mhana hari muhe mhana punyachi ganana kon kari ॥2॥
asoni sansari ubhakshan bhari | Vedshastr ubhari bahya sada॥3॥
Dnyandev mhane vyasachiya khuna | dvarakecha rana pandava ghari ॥4॥

कोणाचे हे घर हा देह कोणाचा । Konache he ghar ha deh konacha - संत ज्ञानेश्वर ▌♫▐

कोणाचे हे घर हा देह कोणाचा । आत्माराम साचा सर्व जाणे ॥१॥
मीतू हा विचार विवेके शोधावा । गोविंद हा ध्यावा याच देही ॥२॥
ध्येये ध्याता ध्यान त्रिपुटीं वेगळा । सहस्त्रदळीं उगवला सूर्य जैसा ॥३॥
ज्ञानदेव म्हणे नयनातींल रुप । या नांव चितपद तुम्ही जाणा ॥४॥

Konache he ghar ha deh konacha | Atmaram sacha sarv jane ॥१॥
Mitu ha vichar viveki shodhava | Govind ha dhyava yach dehi ॥2॥
Dhyey dhyata triputi vegala | Sahastradali ugavalaa sury jaisaa ॥3॥
Dnyandev mhane nayanatil rup | Ya naav chitpad tummhi jana ॥4॥

चित्री सूर्यबिंब कादु येईल चांग | Chitri Sury bimb kadhu yeil chang - संत ज्ञानेश्वर ▌♫▐

चित्री सूर्यबिंब कादु येईल चांग | प्रकाशाचे अंग काढिती न ये ॥१॥
संन्यासाचे सोंग आणू येईल सांग | अनुभवाचे अंग दाविता न ये ॥2॥
ब्रह्मज्ञान मुखे बोलु येईल सांग | वैराग्याचे अंग आणिता न ये ॥3॥
ज्ञानदेव म्हणे गुरुकृपा सांग | तरीच हे भाग्य येईल हात" ॥4॥

Chitri Sury bimb kadhu yeil chang| Prakashache ang kadhat n ye॥१॥
Sanyasache Song aanu yeil sang | Anubhavache ang davita n ye॥2॥
Bramh dnyan mukhe bolu yeil sang| Vairagyache ang anita n ye॥3॥
Dnyandev mhane gurukrupa sang| Tarich he bhagy yeil haat॥4॥

कृष्णे वेधिली विरहिणी बोले | Krushne Vedhili Virhini Bole ▌♫▐

कृष्णे वेधिली विरहिणी बोले | चंद्रमा करितो उबारा गे माय ॥१॥
न लावा चंदनु अंगीं न घाला विंजणवारा | हरिविणे शून्य शेजारु गे माये ॥2॥
माझे जीवीचें तुम्ही कां वो नेणां | माझा बळिया तो पंढरीराणा वो माय ॥3॥
नंदनंदनु घडी घडी आणा | तयावीण न वांचती प्राणा वो माये ॥4॥
बापखुमादेविवरू विठ्ठलु गोविंदु | अमृतपान गे माये ॥5॥

Krushne Vedhili Virhini Bole | Chandrama karito ubara ge maye ॥१॥
N lava chandanu angi n ghala Vinjanvara | Harivine shuny shejaru ge maye ॥2॥
Maze jivivje tumhi ka vo nena | Maza baliya to pandharirana vo may ॥3॥
Nandnandnu ghadi ghadi aana | Tayavin n vaachati pran vo maaye ॥4॥
Baaprakhumadevivaru Vithalu govindu | Amrutpaan ge Maye ॥5॥

गोविंदाचे गुण वेधीले। Govindache gun vedhale ▌♫▐

गोविंदाचे गुण वेधीले । पांडुरंगी मन रंगले ॥१॥
माझे जीविची आवडी । पांडुरंगा नेईन गुढी ॥२॥
जागृति स्वप्न सुसुप्ति नाठवे । पाहता आनंद रूप साठवे॥३॥
बापरखुमादेविवरु सगुण निर्गुण | रूप विटेवरी दाविली खुण ॥4॥

Govinda Che gun vadhale । Pandurangi man rangale ॥१॥
Maze jivichi awadi । Pandharpura neyin gudi ॥2॥
jagruti swapn susupti nathave । Pahata anand rup sathave ॥3॥
Baprakhuma devivaru sagun nirgun । Roop vitevari davili khun ॥4॥

आजि सोनियाचा दिनु । Aji soniyacha dinu ▌♫▐

आजि सोनियाचा दिनु । वर्षे अमृताचा घनु ॥१॥
हरि पाहिला रे । सबाह्याभ्यंतरी अवघा व्यापक मुरारी ॥२॥
दृढ विटे मन मुळी । विराजित वनमाळी ॥३॥
बरवा संतसमागमु । प्रगटला आत्मारामु ॥४॥
कृपासिंधु करुणाकरू । बाप रखमादेविवरू ॥५॥

Aji soniyacha dinu । Warshe amritacha ghanu ॥१॥
Hari pahila re । Sabahya abhynkari awagha wyapak murari ॥2॥
Drudh wite man muli । Virajit vanamali ॥3॥
Barawa sant-samagamu । pragatala atmaramu ॥4॥
Kripasindhu karunakaru । Baparakhumadewiwaru ॥5॥

हरपली सत्ता मुराली वासना | Harapali satta murali vasana ▌♫▐

हरपली सत्ता मुराली वासना । सांवळाचि नयना दिसतसे ॥१॥
काय करुं माय सांवळा श्रीकृष्ण । सांगितला प्रश्न निवृत्तीनें ॥2॥
बापरखुमादेविवरु सांवळीये तेज । सेजबाज निज कृष्ण सुखें ॥3॥

Harapali satta murali vasana | Savalachi nayana disatase ॥१॥
Kay karu may savala shrikrushn | Sangitala prashn nivruttine ॥2॥
Baprakhumadevivaru Savaliye tej | Sejbaaj nij krushn sukhe ॥3॥

अवचिता परिमळू । Awachita parimalu ▌♫▐

अवचिता परिमळू, झुळुकला अळुमाळू । मी ह्मणु गोपाळू, आला गे माये ॥१॥
चांचरती चांचरती बाहेरी निघाले । ठकचि मी ठेलें काय करू ॥२॥
तो सावळा सुंदरू कांसे पीतांबरू | लावण्य मनोहरू देखियेला ॥३॥
बोधुनी ठेलें मन तव जालें आन । सोकोनी घेतले प्राण माझे गे माये ॥४॥
बाप रखुमादेवीवरू विठ्ठल सुखाचा । तेणें काया मने वाचा वेधियेलें ॥५॥

Awachita parimalu jhulakala alumalu | Mi mahane gopalu ala ge maye ॥१॥
Chacharati chacharati baheri nighale | Thakachi mi thelen kay karu ॥2॥
To sawala sundaru kanse pitambaru | Lawanya manoharu dekhiyela ॥3॥
Bodhuni thhelen man taw jalen an | Sokoni ghetale pran majhe ge maaye ॥4॥
Bap rakhumadewi waru vitthal sukhacha | Tene kaya man wacha wedhiyelen ॥5॥

पांडुरंग कांती | Paandurnga kaanti ▌♫▐

पांडुरंगकांती दिव्य तेज झळकती । रत्‍नकीळ फांकती प्रभा ।
अगणित लावण्य तेजःपुंजाळले । न वर्णवे तेथींची शोभा ॥१॥
कानडा हो विठ्ठलु कर्नाटकु । तेणें मज लावियला वेधु ।
खोळ बुंथी घेऊनि खुणाची पालवी । आळविल्या नेदी सादु ॥२॥
शब्देंविण संवादु दुजेंवीण अनुवादु । हें तंव कैसेंनि गमे ।
परेहि परतें बोलणें खुंटलें । वैखरी कैसेंनि सांगें ॥३॥
पाया पडूं गेलें तंव पाउलचि न दिसे ।उभाचि स्वयंभु असे ।
समोर कीं पाठिमोरा न कळे । ठकचि पडिलें कैसें ॥४॥
क्षेमालागी जीव उतावीळ माझा । म्हणवूनि स्फुरताती बाहो ।
क्षेम देऊं गेलें तंव मीचि मी एकली । आसावला जीव राहो ॥५॥
बाप रखुमादेविवरु हृदयींचा जाणुनी ।अनुभवु सौरसु केला ।
दृष्टीचां डोळां पाहों गेलें तंव । भीतरीं पालटु झाला ॥६॥

Paandurngakaanti diwy tej jhalakati । Ratnakil faankati prabha ।
Aganit laawany tej punjaalale । N warnawe tethinchi shobha ॥१॥
Kaanada wo withhthhalu karnaataku । yenen maj laawiyela wedhu ।
Khol bunthi gheuni khunaachi paalawi । alawilya nedi saadu ॥2॥
Shabdewin snwaadu dujenwin anuwaadu । he taw kaisenni game ।
Parehi paraten bolane khuntale । waikhari kaiseni saange ॥3॥
Paaya padun gele taw paaulachi n dise । ubhaachi swaynbhu ase ।
Samor ki paathhimora n kale । takachi padile kaisen ॥4॥
Kshemaalaagi jiw utaawil maajha । mhanawuni sfurataati baaho ।
Kshem deun gelen tnw michi mi aikali । asaawala jiw raawo ॥5॥
Baaparakhamaadewiwaru hridayicha jaanuni । anubhawu saurasu kela ।
Drishticha dola paahon gelen । tnw bhitarin paalatu jhaala ॥6॥

तुझिये निढळीं कोटि चंद्र-प्रकाशे | Tuziye Nidhali koti chandr prakashe ▌♫▐

तुझिये निढळीं कोटि चंद्र-प्रकाशे । कमल-नयन हास्य-वदन हांसे ॥१॥
घडिये घडिये गूज बोल कां रे | कृष्णा हाल कां रे कृष्णा डोल कां रे ॥२॥
उभा राहोनियां कैसा हालवितो बाहो । बाप रखुमादेविवरु विठ्ठलु नाहो ॥३॥

Tuziye Nidhali koti chandr prakashe | Kamal nayan hasy vadan hanse ॥१॥
Ghadiye dhadiye guj bol ka re | Halka re krushn Dolakar re ॥2॥
Ubha rahoniya Kaisa halavito baho | Baprakhuma devivaru vithhalu nhavo ॥3॥

सात पांच तीन दशकांचा मेळा | Saat Paach tin Dashakancha Mela ▌♫▐

सात पांच तीन दशकांचा मेळा । एक तत्त्वी कळा दावी हरी॥१॥
तैसें नव्हे नाम सर्वत्र वरिष्ठ । तेथें कांहीं कष्ट न लागती॥२॥
अजपा जपणें उलट प्राणाचा । येथेंही मनाचा निर्धार असे॥३॥
ज्ञानदेवा जिणें नामेंविण व्यर्थ । रामकृष्णीं पंथ क्रमियेला॥४॥

Saat Paach tin Dashakancha Mela | Ek tatvi kala Davi Hari ॥१॥
Taise Navhe Naam Sarvatr Varishth | Tethe Kaahi Kasht N Lagati ॥2॥
Ajapa Japane Ulat Namacha | yethe hi manacha Nirhar Ase ॥3॥
Dnandev jine namevin vyarth | Ramkrushni Panth Kramiyela ॥4॥

कान्होबा तुझी घोंगडी चांगली | Kanhoba tuzi Ghongadi changali - संत ज्ञानेश्वर ▌♫▐

कान्होबा तुझी घोंगडी चांगली । आम्हांसी कां दिली वांगली रे ॥धृ॥
स्वगत सच्चिदानंद मिळोनी शुद्ध सत्त्व गुण विणली रे ।
षडूगुण गोंडे रत्नजडित तुज श्यामसुन्दरा शोभली रे ॥१॥
काम कर्म अविद्या त्रिगुण पंचभुतांनी विणली रे ।
रक्त रेतु दुर्गंधी जंतु नरक मुतानें भरली रे ॥२॥
षडूविकार षडूवैरी मिळोनी तापत्रयानें विणली रे ।
नवा ठायीं फ़ाटूनि गेली ती त्वां आम्हांसि दिधली रे ॥३॥
ॠषी मुनी ध्यातां मुखीं नाम गातां संदेहवृत्ती विणली रे ।
बापरखुमादेविवरु विठ्ठलें त्वत्पदीं वृत्ति मुरली रे ॥४॥

Kanhoba tuzi Ghongadi changali changali| Amhasi ka dili Vanguli re ॥१॥
Svagat sachhidanand Miloni Shudhha satv gun Vinali re |
Shadgun Gonde ratnjadit tuj shyamsundara Shobhali re ॥2॥
Kaam Karm Avidya trigun panchbhutani Vinali re |
Rakt retu Durgandhi Jantu Narak Mutane Bharali re ॥3॥
Shadvikar Shadvairi Miloni Taptrayane Vinali re |
Navaa Thaai Fatuni geli Ti tvaa Amhasi didhali re ॥3॥
Rushi Muni Dhyata Mukhi Naam gata Sandeh vrutti Vinali Re |
Vaaprakhumadevivaru Vithhale tvatpadi Vrutti Murali Re॥5॥

अवघाची संसार सुखाचा करीन | Avaghachi Sansar Sukhacha Karin ▌♫▐

अवघाची संसार सुखाचा करीन । आनंदे भरीन तिन्ही लोक ।।1।।
जाईन गे माये तया पंढरपूरा । भेटन माहेरा आपुलिया ।।2।।
सर्व सुकृताचे फळ मी लाहीन । क्षेम मी देईन पांडूरंगा ।।3।।
बापरखुमादेवीवरु विठ्ठलाची भेटी । आपुल्या संवसाठी करुनी ठेला ।।4।।

Avaghachi Sansar Sukhacha Karin | Aanande Bharin Tinhi Lok ॥१॥
Jaain Ge Maye Taya Pandharpura | Bheten Maher Aapuliya ॥2॥
Sarv Sukrutaache Fal Mi Lahin | Kshem Mi Dein Panduranga ॥3॥
Baaprakhumadevivaru Vithhalche Bheti | Apulya Sanvasaathi Karuni Thela ॥4॥