गरूड आकाशी झळकला । Garud Akashi Zalakala- संत तुकडोजी ▌♫▐

गरूड आकाशी झळकला । वाटे माझा स्वामी आला ॥१॥
आला भक्तांचा कैवारी । देतो दर्शन मुरारी ॥2॥
हाती चक्र सुदर्शन । कोटी प्रकाशे किरण ॥3॥
तुकड्या म्हणे गमला ध्यानी । शीर ठेविले चरणी ॥4॥

Garud Akashi Zalakala | vate Maza swami ala ॥1॥
Aala bhaktancha kaivari | Deto darshan murari ॥2॥
Hati chakr sudarshan | Koti prakashe kiran ॥3॥
Tukadya mhane gamalaadhyani | Shir thevile charani॥4॥

सुंदर स्वरूप आजि पाहिले | Sundar swarup aaji pahile mi dola

सुंदर स्वरूप आजि पाहिले मी डोळा ।
विटेवरी उभा राहे, कान्हिया सावळा ॥१॥
पुंडलिकाच्या कारणे, आला विटेवरी ।
वाहे चंद्रभागा सदा, कर कटेवरी ॥2॥
साह्यकारी हरी, माझा भक्त - कल्पद्रुम ।
तरतील बहु पापी, उच्चारिता नाम ॥3॥
लाज राखी आज माझी, सखया ! कान्हया ! ।
तुकड्या म्हणे शरण आलो, तोडी माझी माया ॥4॥

Sundar swarup aaji pahile mi dola |
Vitevari ubha rahe kanhiya savala ॥१॥
Pundalikachya karane aala vitevari |
Vahe chandrabhaga sada kar katevari ॥2॥
Sahyakaari hari maza bhakt kalpdrum |
Taratil bahu papi uchharita naam ॥3॥
Laj rakhi sakhaya kanhaya |
Tukadya mhane sharan aalo todi mazi maya ॥4॥

राम नामाचा महिमा | Ram Namacha Mahima ▌♫▐

राम नामाचा महिमा । संत जाणताती सीमा ॥१॥
नामे तारिले पाषाण । नामे उद्धारिले जन ॥2॥
वाल्या कोळी ऋ्षि झाला। बहुत सामर्थ्यी वाढला ॥3॥
तुकड्यादास म्हणे नाम ।देई अंती निज-धाम ॥4॥

Ram Namacha Mahima | Sant Jaanatati Sima ॥१॥
Naame Tarile Paashan | Name Udhharile jan ॥2॥
Valya Koli Rushi Zala | Bahut Saamarthi vadhala ॥3॥
Tukadyadas mhane Naam | Deyi Anti Nij Dham ॥4॥

वाचे विठ्ठल गाईन | Vache Vithhal Gayin ▌♫▐

वाचे विठ्ठल गाईन | नाचत पंढरी जाईन।।धृ।।
ऐसे आहे माझे मनी | लोळीन संताचे चरणी ।।१।।
रंग लावीन अंतरा | हरवोनी भाव सारा ।।२।।
तुकडया म्हणे होईन दास |देवा पुरवावी इतुकी आस ।।३।।

Vache Vithhal Gayin | Nachat Panhari Jayin ।।१।।
Aise Aahe Mze Mani | Lolen Santache RajKani ।।2।।
Rang Lavin Antara | Haravuni Bhav Sara ।।3।।
Tukadya Mhane Hoyin Daas | Deva Purava Ituki aas ।।4।।

मंगल कर मंगल देवा ।Mangal kar Mangal Deva ▌♫▐

मंगल कर मंगल देवा । गणराया ! घे मम सेवा रे ! ।।धृ।।
चंदन उटि लाविन तव माथी । धूप-दिपाची लाविन वाती ।।
अर्पिन तव पदी सुंदर दुर्वा । मंगल कर मंगल देवा ! ।।१।।
रत्न मुकुट शिरि जडित कुंडले । कटी पितांबर कंकण सजले ।।
सुख वाटे ध्याता जिव भावा । मंगल कर मंगल देवा ! ।।२।।
काय कमी तुज झाले म्हणोनी । सुखरुप नाही भारत जननी ।।
दे तिजला शांति - विसावा । मंगल कर मंगल देवा ! ।।३।।
अन्न-वस्त्र दे, विद्या-बल दे । घरोघरी सुविचार शील दे ।।
तुकड्यादासा दे पदि ठावा । मंगल कर मंगल देवा ! ।।४।।

Mangal kar Mangal Deva| Ganraya !Ghe mam Seva re ! ||
Chandan Uooti Lavin tav Mathi | Dhoop-Deepachi Lavin Vaati ||
Arpin Tav padi Sundar Durva | Mangal kar Mangal Deva ||1||
Ratna Mukut Shiri Jadit Kundale | Kati Pitamber Kakan Sajle ||
Sukh Vaate Dhyata Jeev Bhava | Mangal kar Mangal Deva ||2||
Kay kami Tuj Zale Mahanoni | Sukhrup Nahi Bharat Janni ||
De Tijla Shanti - Visava | Mangal kar Mangal Deva ||3||
Ann-Vastra de, Vidya - Bal de | Gharoghari Suvichar Shil De ||
Tukdyadasa de Padi Thava | Mangal kar Mangal Deva ! ||4||