माझा शिण भाग अवघा हरपला । Maza shin bhag avagha harapala - संत चोखामेळा ▌♫▐

माझा शिण भाग अवघा हरपला । विठोबा देखिला विटेवरी ॥१॥
अवघ्या जन्मांचें सार्थक पैं झालें । समचरण देखिलें डोळेभरी ॥2॥
चंद्रभागे तीरीं नाचती वारकरी । विठ्‌ठल नामगजरीं आनंदानें ॥3॥
दिंडया गरुड टके पताकांचे भार । होतो जयजयकार नामघोष ॥4॥
तो सुख सोहळा देवांसी दुर्लभ । आम्हां तो सुलभ चोखा म्हणे ॥5॥

Maza shin bhag harapala | Vithoba dekhila Vitevari ॥१॥
Avaghya janmache sarthak pai zale | Samcharan dekhile dolebhari ॥2॥
Chandrabhage tiri nachati varakari | Vithhal Namgajari anandane ॥3॥
Dindya garud take patakanche bhar | Hoto jayjaykar naamghosh ॥4॥
To sukh sohala devasi durlabh | Amha to sulabh chokha mhane ॥5॥

नाही उरली वसना । Nahi urali vasanaa ▌♫▐

नाही उरली वासना । तुम्हा नारायणा पाहता ॥१॥
उरला नाहीं भेदाभेद । झालें शुध्द अंतकरण ॥२॥
विटाळाचे होते जाळे । तुटले बळें नामाच्या ॥३॥
चौदेहाची तुटली दोरी । म्हणे चोख्याची महारी ॥४॥

Nahi urali vasanaa | Tumha narayana pahata ॥१॥
Urala Nahi Bhedabhed | Zale Shudhh antar ॥2॥
Vitalache hote jaale | Tutale bale namachya ॥3॥
Choudehachi hote dori | Mhane chokhyachi mahari ॥4॥

सुख अनुपम संतांचे चरणी | Sukha anupam ▌♫ ▐

सुख अनुपम संतांचे चरणीं । प्रत्यक्ष अलका भुवनी नांदत असे ॥१॥
तो हा महाराज ज्ञानेश्वर माऊली । जेणें निगमावली प्रगट केली ॥२॥
संसारी आसक्‍त माया-मोह रत । ऐसे जे पतीत तारावया ॥३॥
चोखा म्हणें तेच ज्ञानदेवी ग्रंथ । वाचिता सनाथ जीव होती ॥४॥

Sukha anupam santanache charani| pratyaksh alaka bhuvani Ase ॥१॥
To ha Maharaaj Dnyaneshwar Mauli | Jene Nigamvalli Pragat Keli ॥2॥
sansari Aasakt Maya Moh Rat | Aise Je Patit Taravaya ॥3॥
Chokha Mhane Tech Dnyanadevi Granth| Vaachita Sanath Jiv Hoti ॥4॥

भाग्यवंता घरी भजन कीर्तन । Bhagyavanta ghari Bhajan Kirtan ▌♫▐

भाग्यवंता घरी भजन कीर्तन । त्याची वाट पाहे रघुनंदन ॥ध्रु.॥
जगाच्या बाजारी सर्व काही मिळे । परि दुर्लभ संतजन ॥१॥
पूर्वजन्मी ज्याची असेल पुण्याई । त्याच्या मुखी नाम रामकृष्ण हरी ॥२॥
चोखा म्हणे तुम्ही आता तरी जागा । हरीचे नाम घ्या रे निरंतर ॥३॥

Bhagyavanta ghari Bhajan Kirtan | Tyachi Vaat Pahe Raghunandan ॥१॥
Jagachya Bajari Sarv Kahi Mile | Pari Durlabh Santjan ॥2॥
PurvJanmi Jyachi Asel Punyai | Tyachya Mukhi Naam Ramkrushn hari ॥3॥
Chokha Mhane Tumhi Ata tari Jaga | Hariche Naam Ghyare Nirantar ॥4॥

वैकुंठ पंढरी भिंवरेचे तीरी । Vaikunth Pandhari Bhivareche Tiri ▌♫▐

वैकुंठ पंढरी भिंवरेचे तीरी । प्रत्यक्ष श्रीहरी उभा तेथें ॥१॥
रूप हें सांवळें गोड तें गोजिरें । धाणि न पुरे पाहतां जया ॥२॥
कांसे सोनसळा नेसला पिंवळा । वैजयंती माळा गळां शोभे ॥३॥
चोखा म्हणे ऐसें सगुण हें ध्यान । विटे समचरण ठेवियेले ॥४॥

Vaikunth Pandhari Bhivareche Tiri | Pratyaksh Ubha Tethe ॥१॥
Rup he Saavale God te Gojire | Dhani Paahata Jayaa ॥2॥
Kaase Sonsala Nesalaa Pivala | Vaijayanti Mala Gala Shobhe ॥3॥
Chokha Mhane Aise Sagun He Dhyan | Vite Samacharan Thevile ॥4॥

अबीर गुलाल उधळीत रंग | Abir Gulal Udhalit Rang

अबीर गुलाल उधळीत रंग |नाथा घरी नाचे माझा सखा पांडुरंग ॥धृ॥
उंबरठ्याशी कैसे शिवू आम्ही जाती हीन | रूप तुझे कैसे पाहू त्यात आम्हीलीन॥
पायरीसी होवू दंग गावूनी अभंग ||नाथा घरी नाचे माझा सखा पांडुरंग ॥१॥
वाळवंटी गाऊ आम्ही वाळवंटी नाचू |चंद्रभागेच्या पाण्याने अंग अंग न्हावू॥
विठ्ठलाचे नाव घेवूनि निसं:ग ||नाथा घरी नाचे माझा सखा पांडुरंग ॥2॥
आषाढी कार्तिकी भक्त जन येती| पंढरीच्या वाळवंटी संत गोळा होती॥
चोख म्हणे नाम घेता भक्त होती दंग||नाथा घरी नाचे माझा सखा पांडुरंग ॥3॥

Abir Gulal Udhalit Rang | Natha Ghari Nache Maza Sakha Pandurang ॥धृ॥
Umbarthyashi kaise Shivu Amhi Jati Hin | Rup Tuze Kaise Pahu Tyat Amhi Lin॥
Payarishi Hovu Dang Gavuni Abhang | Nathaghari Nache Maza Sakha Pandurang ॥1॥
Valavanti Gavu Amhi Valavanti Nachu | Chandrabhagechya Panyane Ang Ang Nhavu ॥
Vithhalache Nam Ghevu Hovuni Nitsang | Nathaghari Nache Maza Sakha Pandurang ॥2॥
Aashadhi Kaartiki Bhakt jan Yeti | Pandharichya Valvanti Sant Gola Hoti ॥
Chokhamhane Nam Gheta Bhakt Hoti Dang | Nathaghari Nache Maza Sakha Pandurang ॥3॥

धन्य धन्य नामदेवा । Dhanya Dhany Naamdeva ▌♫ ▐

धन्य धन्य नामदेवा। केला उपकार जीवा ॥१॥
माझा निरसिला भेवो। दाखविला पंढरिरावो॥2॥
मंत्र सांगितले सोपा। निवारिले भवतापा॥3॥
माझ्या कृपेची माउली । चोखा म्हणे पान्हा घाली॥4॥

Dhanya Dhany Naamdeva| Kela Upakaar Jiva ॥१॥
Maza Nirsila Bhevo | Dakhavila Pandharivo ॥2॥
Mantra Sangitale Sopa | Nivaarile Bhavtapa ॥3॥
Maza Krupechi Mauli | Chokha mhane Panha Ghali ॥4॥

देही देखिली पंढरी । Dehi Dekhili pandhari ▌♫▐

देही देखिली पंढरी । विठू अविनाश विटेवरी ॥१॥
रुक्मिणी अंगना । आत्मा पुंडलिक जाणा ॥२॥
आकार तितुका नासे । निराकार विठ्ठल दिसे ॥३॥
ऐसें गुज ठायीचा ठायी । चोखा म्हणे लागा पायी ॥४॥

Dehi Dekhili pandhari | Vitho avinash vitevari ॥१॥
Rukhmini anganaa | Atma Pundalik jana ॥2॥
Aakar tituka Nase | Nirakar Vithhal dise ॥3॥
Aise guj thayicha Thayi | Chokha mhane laga payi ॥4॥

टाळी वाजवावी गुढी उभारावी | Tali Vajavavi Gudhi Ubharavi ▌♫ ▐

टाळी वाजवावी गुढी उभारावी । वाट हे चालावी पंढरीची ॥१॥
पंढरीचा हाट कउलांची पेठ । मिळाले चतुष्ट वारकरी ॥२॥
पताकांचे भार मिळाले अपार । होतो जय जयकार भीमातीरीं ॥३॥
हरिनाम गर्जतां भय नाहीं चिंता । ऐसे बोले गीता भागवत ॥४॥
खट नट यावें शुद्ध होउनी जावें । दवंडी पिटी भावें चोखामेळा ॥५॥

Tali Vajavavi Gudhi Ubharavi | Vaat Hi chalavi Pandharichi ॥१॥
Pandharicha Haat Kaulanchi Peth | Milale Chatusht Vaarakari ॥2॥
Patakanche Bhaar Milale Apar | Hoto Jay JayKar Bhimatiri ॥3॥
Harinam Garjat Bhay Nahi Chinta | Aise Bole Geeta Bhagavat ॥4॥
Khat Nat Yave Shudhha Hovuni Jave | Davandi Pite Bhave Chokha Mela ॥5॥

ऊस डोंगा परी रस नोहे डोंगा | Us donga pari ras novhe donga ▌♫▐

ऊस डोंगा परी रस नोहे डोंगा । काय भुललासी वरलीया रंगा ॥१॥
कमान डोंगी परी तीर नोहे डोंगा । काय भुललासी वरलीया रंगा ॥२॥
नदी डोंगी परी जळ नव्हे डोंगें । काय भुललासी वरलीया रंगा ॥३॥
चोखा डोंगा परी भाव नव्हे डोंगा । काय भुललासी वरलीया रंगा ॥४॥

Us donga pari ras novhe donga | Kay bhulalasi varaliya ranga ॥१॥
Kaman dongi pari tir novhe donga | Kay bhulalasi varaliya ranga ॥2॥
Nadi dongi pari jal novhe donga | Kay bhulalasi varaliya ranga ॥3॥
Chokha donga pari bhav nvhe donga | Kay bhulalasi varaliya ranga ॥4॥