मी गातो नाचतो....: यशोदे कृष्णाला सांगावे

यशोदे कृष्णाला सांगावे । गोकुळी रहावे का जावे ॥१॥

अवघ्या मिळोनी गौळणी । जात होत्या मथुरे बाजारी ॥

उभा हा कृष्ण वाटेवरी । गोकुळी रहावे का जावे ॥२॥

अनया गवळी करी धंदा । त्याची गौळण मी राधा ।

जावूनि नंदशी सांगावे । गोकुळी रहावे का जावे ॥३॥

पेंद्या सुदामाची जोडी । बळी भद्र त्याचा गडी ॥

कृष्णाला उखाळाशी बांधावे । गोकुळी रहावे का जावे ॥४॥

देव विधीचा जनिता । भानुदास चरणी ठेवी माथा ॥

प्रभुच्या चरणासी लागावे । गोकुळी रहावे का जावे॥५॥

Yashode krushnala sangave | Gokuli rahave ka jave ॥१॥

avaghya miloni gaulani | Jat hotya mathure bajari ॥

ubha ha krushn vatevari | Gokuli rahave ka jave ॥2॥

Anaya gavali kari dhanda | tyachi gaulan mi radha ॥

javuni nandashi sangave | Gokuli rahave ka jave ॥3॥

pendya sudamachi jodi | Bali bhadra tyacha gadi ॥

krushnala ukhalashi bandhave | Gokuli rahave ka jave ॥4॥

dev vidhicha janita | Bhanudasa charani thevi matha ॥

prabhuchya charanasi lagave | Gokuli rahave ka jave ॥5॥

मी गातो नाचतो....