आम्ही वैकुंठवासी । Amhi vaikunthvasi - संत तुकाराम ▌♫▐

आम्ही वैकुंठवासी । आलो या चि कारणासी ।
बोलिले जे ॠषी । साच भावे वर्ताव्या ॥१॥
झाडू संतांचे मारग । आडराने भरले जग ।
उच्छिष्टाचा भाग । शेष उरलें तें सेवूं ॥ध्रु.॥
अर्थे लोपली पुराणें । नाश केला शब्दज्ञाने ।
विषयलोभी मन । साधनें बुडविली ॥२॥
पिटू भक्तिचा डांगोरा । कळिकाळासी दरारा ।
तुका म्हणे करा । जय जयकार आनंदे ॥३॥

Amhi vaikunthvasi | Aalo ya chi karanasi |
Bolile je rushi | Saach bhaave vartavya ॥१॥
Zadu santanche maagar | Aadrane bharale jag |
Uchchishtacha bhag | Shesh urale te sevu ॥2॥
Arth lopali purane | Nash kela shabd dnyane |
Vishay lobhi man | Sadhane budavili ॥3॥
Pitu bhakticha dangora | Kalikalasi darara |
Tuka mhane kara | Jay Jay kaar aanande ॥4॥