समग्र यशातें तूं धरिता । समग्र ऐश्वर्यता तुज अंगीं ॥१॥
समग्र औदार्य लक्षणीं । समग्र वैराग्याची खाणी ।
समग्र ज्ञानशिरोमणी । समग्र षड्गुणी संपन्ना ॥२॥
यशें थोरविला मारुति । बिभीषण केला लंकापती ।
औदार्य देऊनि कर्णा हातीं । कीर्ति दिगांतीं फिरविली ॥३॥
ज्ञानें उपदेशिला चतुरानन । ऐश्वर्य वाढविला अर्जुन ।
वैराग्यशुकातें बोधून । ब्रह्म सनातन पावविला ॥४॥
निळा म्हणे इहीं अगाध लक्षणीं । वंद्य सुरासुरां तुं त्रिभुवनीं ।
माझी अलंकारूनियां वाणी । प्रवर्तवावी स्तवनीं आपुलिया ॥५॥
No comments:
Post a Comment
Note: Only a member of this blog may post a comment.