वृंदावनी वेणु कवणाचा माये वाजे | Vrundavani Venu - संत भानुदास ▌♫▐

वृंदावनी वेणु कवणाचा माये वाजे । वेणुनादे गोवर्धनु गाजे ॥१॥
पुच्छ पसरूनी मयूर विराजे । मज पाहता भासती यादवराजे ॥२॥
तृणचारा चरू विसरली । गाईव्याघ्र एके ठायी झाली ।
पक्षीकुळे निवांत राहिली । वैरभाव समूळ विसरली ॥३॥
यमुनाजळ स्थिरस्थिर वाहे । रविमंडळ चालता स्तब्ध होय ।
शेष कूर्म वराह चकीत राहे । बाळा स्तन देऊ विसरली माय ॥४॥
ध्वनी मंजूळ मंजूळ उमटती । बाकी रुणझुण रुणझुण वाजती ।
देव विमानी बैसोनी स्तुति गाती । भानुदासा पावली प्रेम-भक्ति ॥५॥

Vrundavani Venu Kavanacha Maaye Vaaje | Venu Nade Govardhanu Gaje ॥१॥
Puchha Pasaruni Mayur Viraje | Maja Pahata bhasati Yadav Raaje ॥2॥
Tun Chara Charu Visarali | Gai vyagra Eke Thai Zali |
Pakshi Kule Nivant Rahili | Vair Bhav Samul Visarali ॥3॥
Dwani Manjul Manjul Vajati | Vanki RunZun RunZun Vajati | Dev Vimani Baisoni Stuti Gati | Bhanudasa Pavali Prem Bhakt ॥4॥