सुवर्ण आणि परिमळ । Suvarn Aani Parimal - संत नामदेव ▌♫▐

सुवर्ण आणि परिमळ । हिरा आणि कोमळ । योगी आणि निर्मळ । हें दुर्लभ जी दातारा ॥१॥
देव जरी बोलता । तरी कल्पतरु चालता । गज जरी दुभता । हें दुर्लभ जी दातारा ॥२॥
धनवंत आणि दयाळु । व्याघ्र आणि कृपाळु । अग्नि आणि सीतळु । हें दुर्लभ जी दातारा ॥३॥
सुंदर आणि पतिव्रता । साव-धान होय श्रोता । पुराणिक तरी ज्ञाता । हें दुर्लभ जी दातारा ॥४॥
क्षत्रिय आणि शूर भला । चंदन फुलीं फुलला । स्वरूपीं गुण व्यापिला । हे दुर्लभ जी दातारा ॥५॥
ऐसा संपूर्ण सर्व गुणीं । केवी पाविजे शारंगपाणी । विष्णुदास नामा करी विनवणी । मुक्ति चरणीं त्याचिया ॥६॥

Suvarn Aani Parimal | Hira aani Komal॥
Yoge aani Nirmal | He durlabh ji Datara ॥१॥
Dev Jari Bolata | Tari Kalpataru Chalata॥
Gaj Jari Dubhata |He durlabh ji Datara ॥2॥
Dhanvant aani Dayalu | Vyaghr aani Krupalu॥
Agni Ani Sitalu |He durlabh ji Datara ॥3॥
Sundar aani Pativrata | Saavadhan hoy Shrota॥
Puranik tari Dnyata |He durlabh ji Datara ॥4॥
Kshatriy aani Shur Bhala | Chandan Fuli Fulala॥
Svarupi Gun Vyapila |He durlabh ji Datara ॥5॥
Aisa Sampurn sarv guni | Kevi Paavije Sharang Paani॥
Vishnudaas Nama Kari Vinavani | Mukti Charani Tyachiyaa ॥6॥