दुरुनि आलो तुझिया भेटी । Duruni Aalo tuziya bheti - संत नामदेव ▌♫▐

दुरुनि आलो तुझिया भेटी । सांगावया जिवींच्या गोष्टी ॥१॥
बोल गा बोल मजशी कांहीं । दृष्टी उघडुनी मजकडे पाही ॥२॥
अरे तूं कृपाळु दीनाचा । महा उदार थोरा मनाचा ॥३॥
भक्तें पुंडलिकें गोविलासी लोभें । प्रेमें प्रीतीच्या वालभें ॥४॥
युगें अठ्ठावीस भरलीं । धणी अजुनी नाहीं पुरली ॥५॥
प्राण होती माझे कासाविस । नामा म्हणे कां धरिलें उदास ॥६॥

Duruni Aalo tuziya bheti | Sangavaya jivichya goshti ॥१॥
Bl ga bol majashi kahi | Drushti ughaduni majkade pahi ॥2॥
Are tu krupalu dinanacha | Maha Udhhar thor manacha ॥3॥
Bhakte pundalike govilasi lobhe | Preme pritichya valabhe ॥4॥
Yuge atthavis bharali | Dhani ajuni nahi purali ॥5॥
Pran hoti maze kasavis | Nama mhane ka dharile udas ॥6॥